ಸಾಯ್ಬ್ ಸಾಲ್ವದೊರ್ ಫಿರ್ಗಜ್ ಬೆಳ್ತಂಗಡಿ – ಸಂಭ್ರಮಾಚೊ ಮಾಲ್ಗಡ್ಯಾಂ ಚೊ ದೀಸ್ ಆಚರಣ್

ಸಾಯ್ಬ್ ಸಾಲ್ವದೊರ್ ಫಿರ್ಗಜ್ ಬೆಳ್ತಂಗಡಿ ಜನವರಿ 28 ತಾರೀಕೆರ್ ವ್ಹಡಾ ದಬಾಜಾನ್ ವಿಗಾರ್ ಬಾಪ್ ಮಾನಾದಿಕ್ ವಾಲ್ಟರ್ ಡಿ’ಮೆಲ್ಲೊ ಹಾಂಚ್ಯಾ ಮುಖೇಲ್ಪಣಾರ್ ಆಯೋಗಾ ತರ್ಫೆನ್ ಆಯ್ತಾರಾ ಸಕಾಳಿಂ 10. 00 ವೊರಾಂಚ್ಯಾ ಮಿಸಾಚ್ಯಾ ಬಲಿದಾನಾ ಸವೆಂ ಮಾಲ್ಗ ಡ್ಯಾಂಚ್ಯಾ ದಿಸಾಚಿ ಸುರ್ವಾತ್ ಕೆಲಿ.

ಸುಮಾರ್ 114 ಮಾಲ್ಗಡ್ಯಾಂನಿ ಮಿಸಾಚ್ಯಾ ಬಲಿದಾನಾಂತ್ ಭಾಗ್ ಘೆತ್ಲೊ. ಮಿಸಾಚ್ಯಾ ಬಲಿದಾನಾಂತ್ ವಿಗಾರ್ ಬಾಪಾಂನಿ ತಾಂಚೆ ಪಾಸತ್ ಮಾಗ್ಲೆಂ. ಆನಿ ಬರೊ ಶೆರ್ಮಾಂವ್ ದಿಲೊ.

ಮೀಸ್ ಜಾಲ್ಲೆಂಚ್ ಇಗರ್ಜೆ ಮುಕ್ಲ್ಯಾನ್‌ ಸರ್ವ್ ಮಾಲ್ಗಡಿಂ ಬ್ಯಾಂಡಾ ಸವೆಂ ಪುರ್ಶಾಂವಾರ್ ಇಂಗ್ಲಿಷ್ ಮಾದ್ಯಮ್ ಇಸ್ಕೊಲಾಚ್ಯಾ ಹೊಲಾಕ್ ಗೆಲ್ಯಾಂವ್. ಸರ್ವಾಂಕ್ ಥಂಡ್ ಪೀವನ್ ಆಸಾ ಕೆಲ್ಲೆಂ.
ಉಪ್ರಾಂತ್ 11.15 ವೋರಾರ್ ವೇದಿ ಕಾರ್ಯೆಂ ಪ್ರಾರಂಬ್ ಕೆಲೆಂ. ವೇದಿರ್ ವಿಗಾರ್ ಬಾಪ್ ವಾಲ್ಟರ್‌ ಡಿಮೆಲ್ಲೋ , ಪ್ರಿನ್ಸಿಪಾರ್ ಬಾಪ್ ಕ್ಲಿಫರ್ಡ್ ಪಿಂಟೋ, ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಶ್ರೀಮಾನ್ ಹೆನ್ರಿ ಲೋಬೋ, ಆನಿ ಶ್ರೀಮಾನ್ ಫ್ರ್ಯಾಂಕಿ ಆನಿ ಆಪೋಲಿನ್ ಡಿ’ಸೋಜಾ, ಕಾನ್ವೆಂಟಾಟಿ ವ್ಹಡಿಲ್ನ್ ಸಿ. ಜಸಿಂತಾ ಬರೆಟ್ಟೊ ಬ್ರದರ್ ಸೈಮನ್ ಡಿಸಿಲ್ವಾ ‘ ಉಪಾಧ್ಯಕ್ಷ್ ವಾಲ್ಟರ್ ಮೋನಿಸ್’ ಕಾರ್ಯದರ್ಶಿ ಗಿಲ್ಬರ್ಟ್ ಪಿಂಟೊ ಆನಿ ಆಯೋಗ್ ಸಂಯೋಜಕಿ ಪೌಲಿನ್ ರೇಗೊ ಹಾಜರ್ ಆಸ್ ಲ್ಲಿಂ.

ಅಯೋಗ್ ಸಂಯೋಜಕಿ ಪೌಲಿನ್ ರೇಗೊ ನ್ ವೇದಿ ಸಯ್ರ್ಯಾಂಕ್ ತಶೆಂಚ್ ಸರ್ವಾಂಕ್ ಮೊಗಾನ್ ಸ್ಟಾಗತ್ ಕೆಲೊ. ವಿಗಾರ್ ಬಾಪಾಂನಿ ದಿವೊ ಪೆಟಂವ್ಚಾ ಮುಕಾಂತ್ರ್ ಕಾರ್ಯಕ್ರಮ್ ಉದ್ಘಾಟನ್ ಕೆಲೆಂ.
ನಂತರ ಉದ್ಘಾಟಕಾಚಿಂ ಉತ್ರಾಂ ಜಾವ್ನ್ ಶ್ರೀಮಾನ್ ಹೆನ್ರಿ ಲೋಬೊನ್ ಸರ್ವ್ ಮಾಲ್ಗಡ್ಯಾಂಕ್ ಬೊರೆಂ ಮಾಗ್ಲೆಂ ತ್ಯಾ ದಿಸಾಚೆ ಶುಭಾಶಯ್ ಪಾಟಯ್ಲೆ.

ತಶೆಂಚ್ ಕಾಜಾರಿ ಜೀವಿತಾಚಿಂ 50 ವರ್ಸಾಂ ಸಂಪಯಿಲ್ಲ್ಯಾ ಜೆ. ಎಮ್. ಡಿಸೋಜ ಆನಿ ಲೀನಾ ಡಿಸೋಜ ಆನಿ ತ್ಯಾಚ್ ದಿಸಾ ಬರ್ತ್ ಡೇ ಆಚರಣ್ ಕರ್ಚ್ಯಾ ಜೆ. ಎಮ್. ಡಿಸೋಜಾ ಹಾಂಕಾ ಸನ್ಮಾನ್ ಕೆಲೊ. ಆನಿ ಉಲ್ಲಾಸ್ ಪಾಟಯ್ಲೆ.

ಮಾಲ್ಗಡ್ಯಾಂಕ್ ಮನೋರಂಜನ್ ದಿಂವ್ಬ್ಯಾಕ್ ಶ್ರೀಮಾನ್ ರೊನಿ ಲೋಬೋ ಆ ನಿ ಸಿ. ಜಸಿಂತಾ ಬರೆಟ್ಟೊ ಹಾಣಿಂ ಗೇಮ್ಸ್ ಚಲವ್ನ್ ವೆಲೆ. ಜಿಕ್ ಲ್ಲ್ಯಾಂಕ್ ಇನಾಮಾಂ ವಾಂಟ್ಲಿಂ.
ತ್ಯಾ ದಿಸಾಚಿಂ ಸಂಪನ್ಮೂಲ್ ವ್ಯಕ್ತಿ ಜಾವ್ನಾಸ್ಟ್ಯಾ ಶ್ರೀಮಾನ್ ಫ್ರ್ಯಾಂಕಿ ಆನಿ ಆಪೋಲಿನ್ ಡಿಸೋಜಾ ಹಾಂಕಾ ಸನ್ಮಾನ್ ಕೆಲೊ. ತಾಣಿಂ ತಾಂಚಾ 50 ವರ್ಸಾಂಚ್ಯಾ ಕಾಜಾರಿ ಜೀವಿತಾಚಾ ಜುಬ್ಲೆವಾಚಾ ಸಂದರ್ಭಾರ್ ಸರ್ವ್ ಮಾಲ್ಗಡ್ಯಾಂಕ್ ಉಡಾಸಾಚಿ ಕಾಣಿಕ್ ಜಾವ್ನ್ ಏಕೇಕ್ ವೋಲ್ ವಾಂಟ್ಲಿ.
ಉಪ್ರಾಂತ್ ಶ್ರೀಮತಿ ಆಪೆೊಲಿನ್ ಡಿ ಸೋಜಾ ಆಪ್ಲ್ಯಾ ಜಿಣಿಯೆಚಿಂ ಭೊಗ್ಣಾಂ ವಾಂಟನ್ ಘೆತ್ಲಿಂ ಆನಿ ಮಾಲ್ಗಡ್ಯಾಂಕ್ ಶುಭಾಶಯ್ ಪಾಟಯ್ಲೆ.
ಉಪ್ರಾಂತ್ ಸರ್ವ್ ಮಾಲ್ಗಡ್ಯಾಂಕ್ ಉಲ್ಲಾ ಸುನ್ ಉಲ್ಲಾಸಾಚೆಂ ಗೀತ್ ಶ್ರೀಮಾನ್ ರೊನಿ ಆನಿ ಪಂಗ್ಡಾನ್ ಗಾಯ್ಲೆಂ.
ತ್ಯಾ ದಿಸಾಚ್ಯಾ ಸಗ್ಳ್ಯಾ ಜಿವ್ಲಾಚೊ ಖರ್ಚ್ ದಿಲ್ಲ್ಯಾ ಶ್ರೀಮಾನ್ ಹೆನ್ರಿ ಲೋಬೋಕ್ ಫುಲಾಂ ತುರೊ ದೀವ್ನ್ ಮಾನ್ ಕೆಲೊ.
ಕಾರ್ಯಾಚೊ ಅಧ್ಯಕ್ಷ್ ಜಾವ್ನಾಸ್ಟಾ ವಿಗಾರ್ ಬಾಪಾಂನಿ ಸರ್ವ್ ಮಾಲ್ಗಡ್ಯಾಂಕ್ ಬೊರೆಂ ಮಾಗ್ಲೆಂ ಆನಿ ಶುಭಾಶಯ್ ಪಾಟಯ್ಲೆ.
ಶ್ರೀಮತಿ ಗೀತಾ ಪಿಂಟೋನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ.
ಸಗ್ಳ್ಯಾ ಕಾರ್ಯಾಚೆಂ ಕಾರ್ಯ ನಿರ್ವಹಣ್ ಶ್ರೀಮತಿ ಆಪೋಲಿನ್ ಡಿಸೋಜಾ ನ್ ಚಲವ್ನ್ ವ್ಹೆಲೆಂ.
ತ್ಯಾದಿಸಾಚಿಂ ಗೇಮ್ಸ್ ಇನಾಮಾಂ ಶ್ರೀಮಾನ್ ರೊನಿ ಲೊಬೋನ್ ಸ್ಟೋನ್ಸಾರ್ ದಿಲ್ಲಿಂ.
ತ್ಯಾ ದಿಸಾ ಥಂಡ್ ಪೀವನ್ ಶ್ರೀಮತಿ ಸಿಲ್ವಿಯಾ ಪಿಂಟೋ ನ್ ಸ್ಪೋನ್ಸಾರ್ ದಿಲ್ಲೆಂ.
ಅಶೆಂ ಹೆಂ ಸಗ್ಳೆಂ ಕಾರ್ಯೆಂ ಕುಟ್ಮಾ ಅಯೋಗ್; ತಶೆಂಚ್ ಲಾಯಿಕ್ ಆಪೊಸ್ತಲಾದಿಚೊ ಆಯೋಗ್ ಹಾಂಚೆ ಸಾಂಗಾತಾ ಧೊಡೆ ಆಯೋಗ್ ಮೆಳೊನ್ ವಿಗಾರ್ ಬಾಪಾಂಚ್ಯಾ ಆಯೋಗ್ ಸಂಯೋಜಕಿ’ ಉಪಾಧ್ಯಕ್ಷ್ ಕಾರ್ಯದರ್ಶಿ ಅಯೋಗ್ ಸಂಚಾಲಕ್ ಹಾಂಚಾ ಸಾಂಗಾತ್ಪಣಾನ್ ಮಾಲ್ಗಡ್ಯಾಂಚಾ ದಿಸಾಚೆಂ ಕಾರ್ಯೆಂ ಭೋವ್ ಬರೆಂ ಜಾಲೆಂ.
ಬಾಪ್ ಕ್ಲಿಫರ್ಡ್ ಪಿಂಟೋ ಹಾಣಿಂ ಜೆವ್ಣಾಚೆರ್ ಆಶೀರ್ವಾದ್ ಮಾಗ್ಲೊ.

ಅಶೆಂ ಸಗ್ಳೆಂ ಕಾರ್ಯೆ0 ಬೋವ್ ಸೊಭಿತ್ ಥರಾನ್ 12.45 ವೊರಾರ್ ಗಡ್ಡ್ ಜೆವ್ಣಾ ಸವೆಂ ಆಕೇರ್ ಕೆಲೆಂ.