ಸಾಯ್ಬ್ ಸಾಲ್ವದೊರ್ ಫಿರ್ಗಜ್ ಬೆಳ್ತಂಗಡಿ ನವೆಂಬರ್ 5 ತಾರೀಕೆರ್ ವ್ಹಡಾ ದಬಾಜಾನ್ ವಿಗಾರ್ ಬಾಪ್ ಮಾನಾದಿಕ್ ವಾಲ್ವರ್ ಡಿಮೆಲ್ಲೊ ಹಾಂಚ್ಯಾ ಮುಖೆಲ್ಪಣಾರ್ ಆಯೋಗಾ ತರ್ಫೆನ್ ಆಯ್ತಾರಾ ಸಕಾಳಿಂ 7.30 ವೊರಾಂಚ್ಯಾ ಮಿಸಾಚಾ ಬಲಿದಾನಾ ಮಾರಿ ಫಾತ್ ಜೊಡ್ಯಾಂಚ್ಯಾ ದಿಸಾ ಚಿ ಸುರ್ವಾತ್ ಕೆಲಿ.
ಸುಮಾರ್ 75 ಜೋಡಿಂ ಇಗರ್ಜೆ ಮುಕ್ಲ್ಯಾನ್ ಪ್ರರ್ಶಾಂವಾರ್ ಬೆಂಡಾ ನವೆಂ ಆನಿ ಗುಮ್ಟಾಂ ನಾದಾ ಸವೆಂ ವಿಗಾರ್ ಬಾಪಾಂ ಬರಾಬರ್ ದೇವ್ ಮಂದಿರಾಂತ್ ಭಿತರ್ ಸರ್ಲಿಂ. ಆಮ್ಚಾ ಫಿರ್ಗಜೆಂತ್ ನವ್ಯಾನ್ ಪ್ರಾರಂಬ್ ಜಾಲ್ಲಿಂ ಗುಮ್ಟಾಂ ಮಿಸಾ ಪಯ್ಲೆಂ ವಿಗಾರಾನಿಂ ಬೆಂಜಾರ್ ಕೆಲಿಂ ಗುಮ್ಟಾಂ ಪಂಗ್ಡಾಕ್ ಆಶೀವಾದಿತ್ ಕೆಲೆಂ. ಮಿಸಾ ವೆಳಾರ್ ವಿಗಾರ್ ಬಾಪಾಂನಿ ಜೊಡ್ಯಾಂಚೆರ್ ಪ್ರತ್ಯೇಕ್ ಆಶೀರ್ವಾದಾಂ ಮಾಗ್ಲಿಂ ಆನಿ ಬೊರೊ ಪ್ರಸಂಗ್ ದಿಲೊ.
ಮಿಸಾ ಉಪ್ರಾಂತ್ ಇಗರ್ಜೆ ಮುಕ್ಲ್ಯಾನ್ ಸರ್ವ್ ಚೊಡ್ಯಾಂಚಿ ಸಾಂಗಾತಾ ತಸ್ವೀರ್ ಕಾಡ್ಲಿ. ಉಪ್ರಾಂತ್ ಬ್ರಾಂಡಾ ನಾದಾ ಸವೆಂ ದಾಯಾಸ್ಕಾ ಚಿ ಸತ್ರಿ ಧರ್ನ್ ಸರ್ವ್ ಜೋಡಿಂ ಪ್ರರ್ಶಾಂವಾರ್ ಆಡಿಟೋರಿಯಂ ಕ್ ಗೆಲ್ಯಾಂವ್. ಸರ್ವಾಂನಿ ಕಾಫಿ ಫಳಾರ್ ಸೆವ್ಲೊ.
ಉಪ್ರಾಂತ್ 9.20 ಕ್ ವೆದಿ ಕಾರ್ಯಕ್ರಮ್ ಪ್ರಾರಂಭ್ ಕೆಲೆಂ. ವೇದಿರ್ ವಿಗಾರ್ ಬಾಪ್ ವಾಲ್ಟರ್ ಡಿಮೆಲ್ಲೊ ‘ ಪ್ರಿನ್ಸಿಪಾಲ್ ಬಾಪ್ ಕ್ಲಿಫರ್ಡ್ ಪಿಂಟೊ ‘ ಸಂಪನ್ಮೂಲ್ ವ್ಯಕ್ತಿ ಶ್ರೀಮಾನ್ ಎಲ್. ಜೆ. ಫೆನಾಂಡಿಸ್ ‘ ಉಪಾಧ್ಯಕ್ಷ್ ವಾಲ್ಟರ್ ಮೋನಿಸ್ ‘ ಆನಿ ಆಯೋಗ್ ಸಂಯೋಜಕಿ ಪೌಲಿನ್ ರೇಗೊ ಹಾಜರ್ ಆಸ್ ಲ್ಲಿಂ. ಶ್ರೀಮತಿ ಗೀತಾ ಪಿಂಟೊನ್ ವೆದಿ ಸಯ್ರ್ಯಾಂಕ್ ಸ್ವಾಗತ್ ಕೆಲೊ. ವಿಗಾರ್ ಬಾಪಾಂನಿ ದಿವೊ ಪೆಟಂವ್ಚಾ ಮುಕಾಂತ್ರ್ ಕಾರ್ಯಕ್ರಮಾಚೆಂ ಉದ್ಘಾಟನ್ ಕೆಲೆಂ . ಉಪ್ರಾಂತ್ ಕಾಜಾರಿ ಜಿವಿತಾಂತ್ 50 ವರ್ಸಾಂ ಸಾಂಗಾತಾ ಜಿಯೆಲ್ಲ್ಲ್ಯಾ ಜೊಡ್ಯಾಂಕ್ ವಿಗಾರ್ ಬಾಪಾಂನಿ ಸನ್ಮಾನ್ ಕೆಲೊ. ನಂತರ್ ಸಂಪನ್ಮೂಲ್ ವ್ಯಕ್ತಿ ಎಲ್. ಜೆ. ಫೆರ್ನಾಂಡಿಸ್ ಹಾಣಿಂ ಜೊಡ್ಯಾಂಕ್ ಶುಭಾಶಯ್ ಪಾಟವ್ನ್ ಜೊಡ್ಯಾಂಕ್ ಸಮ್ಜೊಣಿ ದಿಲಿ.
ಕಾರ್ಯಾಚೊ ಅಧ್ಯಕ್ಷ್ ಜಾವ್ನ್ ವಿಗಾರ್ ಬಾಪಾಂನಿ ಜೋಡ್ಯಾಂಕ್ ಉಲ್ಲಾಸ್ ಪಾಟಯ್ಲೆ ಆನಿ ಬೊರೆಂ ಮಾಗ್ಲೆಂ.
ಉಪ್ರಾಂತ್ ಸಾಂಸ್ಕೃತಿಕ್ ಕಾರ್ಯೆಂ ಆರಂಭ್ ಕೆಲೆಂ. ಆಮ್ಚಾ ಗುಮ್ಟಾಂ ಪಂಗ್ಡಾ ಥಾವ್ನ್ ಮಧುರ್ ಗುಮ್ಟಾಂ ಪೊದಾಂ ತಾಣಿಂ ಸಾದರ್ ಕರ್ನ್ ಸರ್ವ್ ಜೊಡ್ಯಾಂಕ್ ಅಭಿನಂದನ್ ಪಾಠಯ್ಲೆ.
ಜೊಡ್ಯಾಂಕ್ ಖುಶಾಲ್ಬ್ ರಿತ್ ಕರ್ಚ್ಯಾಕ್ ರೊನಾಲ್ಡ್ ಲೋಬೊ ಆನಿ ಸಿಲ್ವಿಯಾ ಪಿಂಟೊ ಹಾಣಿ೦ ಥೊಡೆ ಖೆಳ್ ಚಲವ್ನ್ ವೆಲೆ . ಜೆಕ್ ಲ್ಲ್ಯಾಂಕ್ ಇನಾಮಾಂ ವಾಂಟ್ಲಿಂ. ಉಪ್ರಾಂತ್ ಆದ್ಲ್ಯಾ ಆಮ್ಚಾ ಮಾಲ್ಫಾ ಡ್ಯಾಂಚಾ ಆದ್ಲ್ಯಾ ರಿತಿ ರಿವಾಜಿ ಫರ್ಮಾಣೆಂ ರೊಸಾಚಿಂ ಆನಿ ತಶೆಂಚ್ ರೆಸ್ಟೆರ್ ಕಾಜಾರಾಚಿ ಮಾಂಡಾವಳ್ ನಾಟ್ಕುಳೊ ತಶೆಂಚ್ ಗಾಯಾನಾಂ ಬ್ಯಾಂಡ್ ಆನಿ ಗುಮ್ಟಾಂ ಆನಿ ಪೊದಾಂ ಮಾರಿಫಾತ್ ಸಾಂಸ್ಕೃತಿ ಕ್ ಕಾರ್ಯೆಂ ಚಲೊವ್ನ್ ವರ್ನ್ ಜೊಡ್ಯಾಂಕ್ ಮನರಂಜನ್ ದಿಲೆಂ. ಕಿರ್ಗಿ ನಿಸೊನ್ ಹೊಕ್ಲೆಕ್ ರೊಸಾಕ್ ಆಯ್ತೆಂ ಕೆಲ್ಲೆಂ. ಅಶೆಂ ಆದ್ಲ್ಯಾ ಕಾಜಾರಾಚೊ ಉಡಾಸ್ ಜಿವಾಳ್ ಕೆಲೊ. ಅಕ್ರೇಕ್ ನಾಚ್ ನಾರಾ ನಾಚನಾರಾ ಪೊದ್ ಗಾವ್ನ್ ಸರ್ವ್ ಜೊಡ್ಯಾಂನಿ ಹೊಕ್ಲೆ ನೊವ್ರ್ಯಾ ಸಂಗಿಂ ಡ್ಯಾನ್ಸ್ ಕೆಲೆಂ.
ಶ್ರೀಮಂತಿ ಕಾಂತಿ ಬೆರ್ನಾ ದೆತ್ ಹಿಣೆಂ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ.
ಕಾರ್ಯಾಚೆ೦ ಕಾರ್ಯೆಂ ನಿರ್ವಾಹಣ್ ಬೋವ್ ಸೊಭಿತ್ ರಿತಿನ್ ಶ್ರೀಮತಿ ಬೆನೆಡಿಕ್ಟಾ ಡಿಸಿಲ್ವಾ ಹಿಣೆಂ ಚಲವ್ನ್ ವೆಲೆಂ . ಹೆಂ ಸಗ್ಳೆಂ ಕಾರ್ಯೆಂ : ಆಯೋಗ್ ಪಂಗಡ್ : 4 ಎಕ್ತಾರ್
ಲ್ಹಾನ್ ಕ್ರಿಸ್ತಾಂ ವ್ ಸಮುದಾಯ್ , ಕುಟ್ಮಾ , ಲಾಯಿಕ್ ಆಪೊಸ್ತಲಾದಿ ಚೊ, ಸ್ತ್ರೀಯಾಂಚೊ, ಯುವಜಣಾಂಚೊ ‘ ಕ್ರಿಸ್ತಾಂವ್ ಎಕ್ವಟಾಚೊ ‘ ಆನಿ ಅಂತಧರ್ಮೀಯ್ ಸಂವಾದಾಚೊ ಆಯೋಗ್ ಹಾಂಚೆ ಮಾರಿಫಾತ್ ‘ ವಿಗಾರ್ ಬಾಪಾಂಚಾ ಸಹಕಾರಾನ್ ಆಯೋಗ್ ಸಂಯೋಜಕಿ ಪೌಲಿನ್ ರೇಗೊ ಆನಿ ಸಂಚಾಲಕ್ ಆನಿ ಸರ್ವ್ ಸಾಂದ್ಯಾಚಾ ಸಾಂಗಾತ್ಪ ಣಾನ್ ಕಾರ್ಯೆಂ ಬರೆಂ ಜಾಲೆಂ.
ಅಶೆಂ ಹೆಂ ಸಗ್ಳೆಂ ಕಾರ್ಯೆಂ 11.15 ವೊರಾಂಕ್ ಆಕೇರ್ ಕೆಲೆಂ .
