ಸಾಯ್ಬ್ ಸಾಲ್ವದೊರ್ ಫಿರ್ಗಜ್ ಬೆಳ್ತಂಗಡಿಂತ್ ಸೆಪ್ಟೆಂಬರ್ 3 ತಾರೀಕೆರ್ ವಡಾ ದಬಾಜಾನ್ ವಿಗಾರ್. ಬಾಪ್ ವಾಲ್ಟರ್ ಡಿಮೆಲ್ಲೊ ಹಾಂಚ್ಯಾ ಮುಖೆಲ್ಪಣಾರ್ ಶಿಕ್ಷಕಾಂಚೊ ದಿವಸ್ ಹೋಲಿ ರಿಡೀಮರ್ ಆಡಿಟೋರಿಯಂ ತ್ ಆಯೋಗಾ ಸಾಂಗಾತಾ ಆಚರಣ್ ಕೆಲೊ.
ಆಯ್ತಾರಾ ಸಕಾಳಿಂ 7.30 ವೊರಾಂಚೆ ಮೀಸ್ ಜಾಲ್ಲೆಂಚ್ ಮರಿಯೆಚಾ ನೊವೆನಾ ಉಪ್ರಾಂತ್ 9.00 ವೊರಾರ್ ಇಗರ್ಜೆಕಡೆಂ ಥಾವ್ನ್ ಆಮ್ಚಾ ಫಿರ್ಗಜ್ ಬ್ಯಾಂಡಾಸವೆಂ ಧಾಮಾಸ್ಕಾ ಚೆ ಸತ್ರೆ ಸವೆಂ ಸರ್ವ್ ಶಿಕ್ಷಕಾಂಕ್ ಮಾನಾನ್ ಆಡಿಟೋರಿಯಂ ಕ್ ಆಪೊನ್ ವೆಲೆಂ .
ಪ್ರಾರ್ಥನ್ ಗೀತಾ ಸವೆಂ ಕಾರ್ಯೆಂ ಆರಂಭ್ ಕೆಲೆಂ. ವೇದಿರ್ ವಿಗಾರ್ ಬಾಪ್ ವಾಲ್ಟರ್ ಡಿಮೆಲ್ಲೋ ಹೋಲಿ ರಿಡೀಮರ್ ಹೆಡ್ ಮಾಸ್ಟರ್ ಬಾಪ್ ಕ್ಲಿಫರ್ಡ್ ಪಿಂಟೊ ಉಪಾಧ್ಯಕ್ಷ್ ವಾಲ್ಟರ್ ಮೋನಿಸ್ ಕಾರ್ಯದರ್ಶಿ ಗಿಲ್ಬರ್ಟ್ ಪಿಂಟೊ ಆನಿ 21 ಆಯೋಗ್ ಸ೦ಯೋಜಕಿ ಶ್ರೀಮತಿ ಪೌಲಿನ್ ರೇಗೊ ಹಾಜರ್ ಆಸ್ ಲ್ಲಿಂ.
ಸಂಯೋಜಕಿ ಪೌಲಿನ್ ರೇಗೊ ನ್ ಸರ್ವಾಂಕ್ ಸ್ವಾಗತ್ ಕೆಲೊ. ಹೋಲಿ ರಿಡೀಮರ್ ಇಸ್ಕೊಲಾಚೆ ಹೆಡ್ ಮಾಸ್ಟರ್ ಬಾಪ್ ಕ್ಲಿಫರ್ಡ್ ಪಿಂಟೊನ್ ಉದ್ಘಾಟನ್ ಸಂದೇಶ್ ದಿಲೊ. ಉಪ್ರಾಂತ್ ಆಮ್ಚಾ ಫಿರ್ಗಜೆಂತ್ಲ್ಯಾ ಹೆಡ್ ಮಾಸ್ಟರ್ ಹುದ್ದೊ ಮೆಳೊನ್ ಸೆವಾ ದಿಂವ್ಚಾ ಶಿಕ್ಷಕಾಂಕ್ ಚಾರ್ ಜಣಾಂಕ್ ಫಾ. ಕ್ಲಿಫರ್ಡ್ ಪಿಂಟೊ ಸಿ. ಲೀನಾ ಡಿಸೋಜ ಶ್ರೀಮಾನ್ ಎಡ್ವರ್ಡ್ ಡಿಸೋಜ ರೊನಾಲ್ಡ್ ಡಿಮೆಲ್ಲೊ ಹಾಂಕಾ ಸನ್ಮಾನ್ ಕೆಲೊ. ಸನ್ಮಾನಿತಾಂ ಪಯ್ಕಿ ಶಿಕ್ಷಕ್ ರೊನಾಲ್ಡ್ ಡಿಮೆಲ್ಲೊ ಹಾಣಿಂ ಶಿಕ್ಷಕ್ ವೃತ್ತೆ ಚಿಂ ಭೊಗ್ಣಾಂ ಉಚಾರ್ನ್ ಅನ್ಭೋಗ್ ವಾಂಟುನ್ ಘೆತ್ಲೊ. ಉಪ್ರಾಂತ್ ಶ್ರೀಮಾನ್ ರೊನಿ ಲೋಬೊನ್ ಶಿಕ್ಷಕಾಂ ಪಾಸತ್ ಫಡ್ ಲ್ಲೆಂ ಉಲ್ಲಾಸಾಚೆ೦ ಗೀತ್ ಆಯೋಗ್ ಸಾಂದ್ಯಾಂನಿ ಗಾವ್ನ್ ಉಲ್ಲಾ ಸಿಲೆಂ.
ಉಪ್ರಾಂತ್ ಕಾರ್ಯಕ್ರಮಾಚೊ ಅಧ್ಯಕ್ಷ್ ಜಾವ್ನಾಸ್ಟೆ ವಿಗಾರ್ ಬಾಪಾಂನಿ ಮಾನಾದಿಕ್ ಬಾಪ್ ವಾಲ್ಟರ್ ಡಿಮೆಲ್ಲೊ ಹಾಣಿಂ ಶಿಕ್ಷಕಾಂಕ್ ಅಭಿನಂದನ್ ಪಾಠವ್ನ್ ತಾಂಕಾ ಬೊರೆಂ ಮಾಗೊನ್ ಸಂದೇಶ್ ದಿಲೊ.
ಸರ್ವ್ ಶಿಕ್ಷಕಾಂಕ್ ಉಡಾಸಾಚಿ ಕಾಣಿಕ್ ದೀವ್ನ್ ಉಲ್ಲಾಸಿಲೆಂ.
ಶ್ರೀಮತಿ ಮೆಟಿಲ್ಡಾ ಡಿಸೋಜ ನ್ ಧನ್ಯವಾದ್ ಪಾಠಯ್ಲೆ . ಹೆಂ ಸಗ್ಳೆಂ ಕಾರ್ಯೆಂ ಆಯೋಗ್ ಪಂಗಡ್ 3 ಎಕ್ತಾರ್ ಅಯೋಗ್ ಲಾನ್ ಕ್ರಿಸ್ ಸ್ತಾಂವ್ ಸಮುದಾಯ್ ಕುಟ್ಮಾ ಲಾಯಿಕ್ ಆಪೊಸ್ತಲಾದಿಚೊ ಸ್ತಿಯಾಂಚೊ ಕ್ರಿಸ್ತಾಂವ್ ಎಕ್ವಟ್ ಆನಿ ಅಂತಧರ್ಮ ಮೀಯ್ ಆಯೋಗ್ ಹಾಣಿಂ ಚಲವ್ನ್ ವೆಲೆಂ .
ಕುಮಾರಿ ಆ್ಯನ್ ಸೆಲ್ಮಾನ್ ಸಗ್ಳ್ಯಾ ಕಾರ್ಯಾಚೆಂ ಕಾರ್ಯನಿರ್ವಹಣ್ ಬೋವ್ ಸೊಭಿತ್ ರೀತಿನ್ ಕೆಲೆಂ.
ಆಕ್ರೇಕ್ ಸೊಮ್ಯಾಕ್ ದಿನ್ವಾಸುಯಾಂ ಗೀತಾ ಸವೆಂ ಸಂಬ್ರಮ್ ಆಕೇರ್ ಕೆಲೊ. ಹಾಜರ್ ಜಾಲ್ಲ್ಯಾ ಸರ್ವಾಂಕ್ ಕಾಫಿ ಫಳಾರ್ ಆಸಾ ಕೆಲ್ಲೊ.
