ಸಾಯ್ಬ್ ಸಲ್ವೊದೋರ್ ಫಿರ್ಗಜ್, ಬೆಳ್ತಂಗಡಿಚ್ಯಾ ಮುಕೇಲ್ಪಾಣಾರ್ I. C. Y. M ಆನಿ Y. C. S ಸಹಯೋಗಪ್ನಾಂತ್ ಸವಣಾಲ್ ಮ್ಹುಳ್ಳೆ ಕಡೆ ಸೋಂಪಣ್ಣ ಗೌಡ ಹಾಂಚಾ ಗದ್ಯಾoತ್ ಬೋವ್ ಗಡ್ಡಳಯೆನ್ ಚಲ್ಲೆo. ಫಿರ್ಗಜೆಚ್ಯಾ 18 ವಾಡ್ಯಾ ಗುರ್ಕಾರಾo ಸಾಂಗಾತಾ ಖೆಳ್ಗಾಡಿ ಆನಿ ಫಿರ್ಗಜ್ಗರಾo 500 ವಯ್ರ್ ಹಜಾರ್ ಆಸ್ ಲ್ಲಿo.
ಸಕಾಳಿo ಮೀಸ್ ಜಾಲ್ಲೆoಚ್ ಸರ್ವ್ ಫಿರ್ಗಜ್ಗರಾo ಇಸ್ಕಾಲಾಚ್ಯಾ ಬಸ್ಸಾರ್ ಆನಿ ತಾoಚ ತಾoಚ ವಾಹನರ್ ಸವಣಾಲ್ ಆಯ್ಲಿo ಆನಿ ಥoಯ್ಸರ್ ಬ್ರೇಕ್ ಪಾಸ್ಟ್ ಕೆಲೆo.
ಜುಸ್ತ್ 9:30 ವೊರಾರ್ ಬೆಳ್ತಂಗಡಿ ಸಿರೊ ಮಲಬಾರ್ ಧರ್ಮ್ ಪ್ರಾಂತ್ಯಚೊ ನಿವೃತ್ ಗೊವ್ಲಿ ಬಾಪ್ ಅಧಿಕ್ ಮಾನದಿಕ್ ಡಾ. ಮಾರ್ ಲಾರೆನ್ಸ್ ಮುಕ್ಕುಜಿ ಹಾಂಚಾ ಹಜಾರ್ಪಾಣಾರ್ ಆಮ್ಚೆ ಮೊಗಳ್ ವಿಗಾರ್ ಬೋವ್ ಮಾನದಿಕ್ ವಾಲ್ಟರ್ ಡಿ ಮೆಲ್ಲೊ ಬಾಪ್, ಹೋಲಿ ರೆಡಿಮರ್ ಇಸ್ಕಾಲಾಚೆ ಮುಕೆಲ್ ಮೆಸ್ತ್ರಿ ಬಾಪ್ ಕ್ಲಿಫರ್ಡ್ ಪಿಂಟೊ, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಶ್ರೀ ವಾಲ್ಟರ್ ಮೋನಿಸ್, ಕಾರ್ಯದರ್ಶಿ ಶ್ರೀ ಗಿಲ್ಬರ್ಟ್ ಪಿಂಟೊ, ಆಯೋಗ್ ಸಂಯೋಜಕ್ ಶ್ರೀ ತೋಮಸ್ ಪಿಂಟೊ, I. C. Y. M ಅಧ್ಯಕ್ಷ್ ವಿವನ್ ಪಿಂಟೊ, ಸಾಂ. ತೆರೆಸ್ ಕೊವೆಂತಾಚಿ ವ್ಹಡಿಲ್ನ್ ಸಿ. ಜೇಸಿoತಾ ಬರೆಟ್ಟೋ, Y. C. S ಅಧ್ಯಕ್ಷ್ ಆನಿ ಅನಿಮಟರ್ಸ್ ಹಜಾರ್ ಆಸೊನ್ ಉದ್ಘಾಟನ್ ಕೆಲೆo.
ಉಪ್ರಾಂತ್ ಲ್ಹಾನಾo ಥಾವ್ನ್ ವ್ಹಡo ಪರ್ಯಾoತ್ ವಿವಿಧ್ ಕೆಳ್ ಗದ್ಯಾoತ್ ಚಲ್ಲೆ. ಭುರ್ಗಿo, ಯುವಜನಾ, ವ್ಹಡo ಆನಿ ಮ್ಹಲ್ಗಡಿo ಸಾಂಗಾತಾ ಮೆಳೋನ್ ಗದ್ಯಾoತ್ ಉಡ್ಕನ ಗಾಲಿo. ಆಕ್ರೇಕ್ ದದ್ಲ್ಯಾoಕ್ ಆನಿ ಸ್ತ್ರಿಯಾಂಕ್ ದೋರಿ ಒಡ್ಸೊ ಸ್ಪರ್ದೊ ಬೋವ್ ಸ್ಪರ್ಧಾತ್ಮಕ್ ಆಸೊನ್ ಸರ್ವಂಕ್ ದಾದೋಷಿ ಜಾಲೆo.
ಬಳ್ಳಾರಿ ದಿಯೆಸೆಜಿಸೊ ನಿವೃತ್ ಗೊವ್ಳಿಕ್ ಬಾಪ್ ಅಧಿಕ್ ಮಾನದಿಕ್ ಹೆನ್ರಿ ಡಿಸೋಜಾ ಬಾಪನಿ ಭೆಟ್ ದೀವ್ನ್ ಕಾರ್ಯಕ್ರಮ ವಿಶಿo ಹೋಗೋಳ್ಸುನ್ ಯುವಜಣಾoಕ್ ಬೊರೆಂ ಮಾಗ್ಲೆo. ಸಾಂಜೆರ್ 4 ವೊರಾರ್ ಸರ್ವ್ ಸ್ಪರ್ಧೆ ಆಕೆರ್ ಜಾತೆತ್ ಸಮಾರೋಪ್ ಕಾರ್ಯೆo ಚಲವ್ನ್ ವೆಲೆo. ವಿಜೇತoಕ್ ಬಹುಮನ್ ವಿತರಣ್ ಜಾಲೆo. ಅತ್ಯಧಿಕ್ ಅಂಕ್ ಜೋಡ್ಲೆಲ್ಯಾ ದೋನ್ ಟೀಮಂಕ್ ಚಾಂಪಿಯನ್ ಮೆಳ್ಳೆo. ಹೊ ಗಾದೋ ದಿಲ್ಲೊ ಸೋಂಪಣ್ಣ ಗೌಡಚೆo ಕುಟಂ ಆನಿ ಸವಣಾಲ್ಚೊ ಸೇಜಾರಿ ಲೋಕ್ ಹಜಾರ್ ಆಸೊನ್ ಹೆo ಕಾರ್ಯಕ್ರಮ್ ಸೌಹಾರ್ದೆಕ್ ಸಾಕ್ಸ್ ಜಾಲೆo.
