ಸಾಯ್ಬ್ ಸಾಲ್ವದೊರ್ ಫಿರ್ಗಜ್ ಬೆಳ್ತಂಗಡಿಂತ್ ಆಗಸ್ಟ್ 6 ತಾರೀಕೆರ್ ಭೋವ್ ವ್ಹಡ್ ಸಂಭ್ರಮ್. ಸಾಯ್ಬ್ ಸಾಲ್ವದೊರಾಕ್ ಮಾನ್ ಕರ್ನ್ ತಾರೀಕೆ ಫೆಸ್ತ್ ವ್ಹಡಾ ದ ಬಾಜ್ಯಾನ್ ಆಚರಣ್ ಕೆಲೆಂ. ಬೆಳ್ತಂಗಡಿ ಚೊ ಬಿಸ್ಪ್ ಮಾನಾದಿಕ್ ದೊತೊರ್ ಲಾರೆನ್ಸ್ ಮುಕ್ಕುಯಿ ಬಾಪಾಂಕ್ ಇಗರ್ಜೆಚ್ಯಾ ಸರ್ಕಾಲಾರ್ ವಿಗಾರ್ ಬಾಪ್ ಪ್ರಿನ್ಸಿಪಾಲ್ ಬಾಪ್, ಉಪಾದ್ಯಕ್ಷ್ ಕಾರ್ಯದರ್ಶಿ ಗುರ್ಕಾರ್ ಗೊವ್ಳಿಕ್ ಪರಿಷದ್ ಆನಿ ಆದ್ಲೆ ಉಪಾಧ್ಯಕ್ಷ್ ಸಾಂಗಾತಾ ಮೆಳೊನ್ ಬರೊ ಯೆವ್ಕಾರ್ ಮಾಗ್ಲೊ. ಉಪ್ರಾಂತ್ ಬ್ಯಾಂಡ್ ನಾದಾ ಸವೆಂ ಇಗರ್ಜೆಕ್ ಸಂಭ್ರಮಾನ್ ಪ್ರರ್ಶಾಂವ್ ಚಲಯ್ಲೊ.
ಸಾಯ್ಬ್ ಸಾಲ್ವದೊರಾಚೆಂ ಪೂನ್ ಶೆತ್ ಆನಿ ಸಿಮಿಸ್ತೆಚೊ ನವ್ಯಾ ದ್ವಾರಾಚೆಂ ಉಗ್ತಾವಣ್:
ಇಗರ್ಜೆಚಾ ಮುಖಾರ್ ಆಸ್ಚ್ಯಾ ಸಿಮಿಸ್ರೆಕ್ ಉಬಾರ್ ಲ್ಲ್ಯಾ ನವೊ ಪ್ರವೇಶ್ ದ್ವಾರ್ ಆನಿ ನವ್ಯಾನ್ ನವೀಕರಣ್ ಜಾಲ್ಲೆಂ ಸಾಯ್ಬ್ ಸಾಲ್ವದೊರಾಚೆಂ ಪೂನ್ ಶೆತ್ ಉಗ್ತಾವಣ್ ಕರ್ನ್ ಮಾಗ್ಯಾ ವಿಧಿ ಸವೆಂ ಬೆಂಜಾರ್ ಕೆಲೆಂ. ಉಪ್ರಾಂತ್ ಸಿಮಿಸ್ತೈಚ್ಯಾ ಪ್ರವೇಶ್ ದ್ವಾರಾಕ್ ದಾನ್ ದಿಲ್ಲ್ಯಾ ಹೆನ್ರಿ ಸಿಕ್ವೇರಾ ಆನಿ ಕುಟಾಂ ಪೂನ್ ಶೆತಾಚಾ ನವೀಕರಣಾಕ್ ದಾನ್ ದಿಲ್ಲ್ಯಾ ವಿಜಯ್ ಫೆರ್ನಾಂಡಿಸ್ ಆನಿ ಕುಟಾಂ ಆನಿ ಫಿರ್ಗಜ್ ಫೆಸ್ತಾಕ್ ಜೆವಾಣ್ ದಿಲ್ಲ್ಯಾ ಜೇಮ್ಸ್ ಡಿಸೋಜಾ ಕುಟ್ಮಾಕ್ ಬಿ ಸ್ಪಾಂನಿ ಶಾಲ್ ಪಾಂಗರ್ನ್ ಝೆಲೊ ಗಾಲ್ನ್ ಸನ್ಮಾನ್ ಕೆಲೆಂ. ಹ್ಯಾ ಸಂಧರ್ಬಾರ್ ವಿಗಾರ್ ಬಾಪ್ ವಾಲ್ವರ್ ಡಿಮೆಲ್ಲೊ ಪ್ರಿನ್ಸಿಪಾಲ್ ಬಾಪ್ ಕ್ಲಿಫರ್ಡ್ ಪಿಂಟೊ ಉಪಾದ್ಯಕ್ಷ್ ಕಾರ್ಯದರ್ಶಿ ಸಾಂಗಾತ್ ದಿಲೊ. ಫೀಗೇಜ್ ಗಾರ್ ವ್ಹಡಾ ಸಂಖ್ಯಾನ್ ಹಾಜರ್ ಆಸ್ ಲ್ಲಿಂ.
10.30 ವರಾರ್ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಪ್ರಾರಂಭ್ ಜಾಲೆಂ. ಪ್ರಧಾನ್ ಯಾಜಕ್ ಜಾವ್ನ್ ಮಡಂತ್ಯಾರ್ ಚೊ ವಿಗಾರ್ ಸ್ಟಾನಿ ಗೋವಿಯಸ್ ಆಮ್ಚೇ ವಿನಾರ್ ಬಾಪ್ ಪ್ರಿನ್ಸಿಪಾಲ್ ಬಾಪ್ ಅನಿ ಸಯ್ರೆ ಯಾಜಕ್ ಹಾಜರ್ ಆಸ್ಲ್ಲೆ
ಫಿರ್ಗಜಿಚೆಂ ನವೆಂ ಬ್ಯಾಂಡ್:
ಆಮ್ಚಾ ಫಿರ್ಗಜೆಂತ್ ನವೆಂ ಬ್ಯಾಂಡ್ ಪ್ರಾರಂಬ್ ಜಾಲಾಂ. ಮಿಸಾ ಉಪ್ರಾಂತ್ ಆಮ್ಚಾ ಫಿರ್ಗಜೆಚಾ ತರ್ನ್ಯಾ ಆನಿ ಮಾಲ್ಘಡ್ಯಾಂ ಪಯ್ಲೆಂ ಪಾವ್ಟಿಂ ಬ್ಯಾಂಡ್ ಬಡವ್ನ್ ಸುರ್ವಾತ್ ಕೆಲಿ.
ಸಾಂಸ್ಕೃತಿಕ್ ಕಾರ್ಯಕ್ರಮ್ ಆನಿ ಜೆವಾಣ್:
ಮೀಸ್ ಜಾಲ್ಲೆಂಚ್ ಸಾಂಸ್ಕೃತಿಕ್ ಕಾರ್ಯಕ್ರಮ್ ಆಡಿಟೋರಿಯಂ ತ್ ಆಸ್ ಲ್ಲೆಂ. ಕಾರ್ಯಕ್ರಮ ಪಯ್ಲೆಂ ಲೊಕಾಕ್ ಮಾಲ್ಟ್ ಆನಿ ಹೋಳಿಗೆ ವಾಂಟ್ಲೆಂ. ಆಮ್ಚಾ ಬ್ಯಾಂಡಾ ಸವೆಂ ಮುಖೆಲ್ ಸಯ್ರ್ಯಾಂಕ್ ಸ್ವಾಗತ್ ಕೆಲೊ . ಸ್ವಾಗತ್ ಡ್ಯಾನ್ಸಾ ಸವೆಂ ಕಾರ್ಯಕ್ರಮ್ ಪ್ರಾರಂಭ್ ಕೆಲೆಂ. ಉಪಾಧ್ಯಕ್ಷ ವಾಲ್ಟರ್ ಮೋನಿಸಾನ್ ಸರ್ವಾಂಕ್ ಸ್ವಾಗತ್ ಕೆಲೊ. ಬಾ ಪ್ ಕ್ಲಿಫರ್ಡಾನ್ ಸರ್ವಾಂಕ್ ಫೆಸ್ತಾಚೊ ಸಂದೇಶ್ ದಿಲೊ. ವಿಗಾರ್ ಬಾಪಾಂನಿ ಫೆಸ್ತಾಚೆ ಉಲ್ಲಾಸ್ ಪಾಠಯ್ಲೆ. ಉಪ್ರಾಂತ್ ಡ್ಯಾನ್ಸ್ ಆನಿ ಕುಟ್ಮಾ ವಿಶ್ಯಾಂತ್ ನಾಟ್ಕುಳೊ ಆಸಲ್ಲೊ. ಕಾರ್ಯದರ್ಶಿ ಗಿಲ್ಲರ್ಟ್ ಪಿಂಟೊ ನ್ ಸರ್ವಾಂಚೊ ಉಪ್ಕಾರ್ ಆಠಯ್ಲೊ. ಉಪ್ರಾಂತ್ ಜಮ್ ಲ್ಲ್ಯಾ ಸರ್ವ್ ಲೊಕಾಂಕ್ ಗಡ್ಡ್ ಉಂಡ್ಯಾ ಮಾಸಾಚೆಂ ಜಿವಾಣ್ ಆಸ್ ಲ್ಲಿಂ. ಸುಮಾರ್ 1,500 ಲೋಕ್ ಹ್ಯಾ ಕಾರ್ಯಕ್ರಮಾಂತ್ ಹಾಜರ್ ಆಸ್ ಲ್ಲೊ.
ಕಾರ್ಯಕ್ರಮ್ ಇತ್ಲ್ಯಾ ಗದ್ದಾಳಾಯೆನ್ ಜಾಂವ್ಕ್ ವಿಗಾರ್ ಉಪಾಧ್ಯಕ್ಷ್ ಕಾರ್ಯದರ್ಶಿ ಸಂಯೋಜಕ್ ಗುರ್ಕಾರ್ ಗೊವ್ಳಿ ಪರಿಷದ್ ಆನಿ ಸರ್ವ್ ಸಮಿತಿಚ್ಯಾ ಸಾಂದ್ಯಾನಿ ವಾವ್ರ್ ದಿಲ್ಲೊ.
ಪಿಡೆಸ್ತಾಂಕ್ ಪ್ರಾಯ್ವಂತಾಂಕ್ ಜೆವಾಣ್:
ಸರ್ವ್ ಕುಟ್ಮಾ ಸಾಂಗಾತಾ ಜೆವಾಣ್ ಕರ್ಚ್ಯಾ ಉದ್ದೇಶಾನ್ ಫಿರ್ಗಜೆಚಾ ಫೆಸ್ತಾಚಾ ಸಂಭ್ರಮಾಂಕ್ ಯೇಂವ್ಕ್ ಅಸಾದ್ಯ್ ಜಾಲ್ಲ್ಯಾ ಪಿಡೆಸ್ತಾಂಕ್ ಪ್ರಾಯ್ವಂತಾಂಕ್ ಆದ್ಲ್ಯಾ ದಿಸಾ ಜೆವಾಣ್ ದಾಡ್ನ್ ದಿಲ್ಲೆಂ .